Ein lleoliadau Amgueddfa Genedlaethol y Glannau Gyda’i phensaernïaeth arobryn a’r golygfeydd di-ail dros y cei, mae Amgueddfa Genedlaethol y Glannau yn Abertawe yn lleoliad rhagorol ar gyfer digwyddiadau corfforaethol a phreifat.

Amgueddfa Genedlaethol y Glannau

Mae’r adeilad nodedig gwerth £30 miliwn gyda’i waliau gwydr a llechen cain yn asio’n berffaith â’r warws wreiddiol ar Farina prydferth Abertawe. Dyluniwyd y cyfleusterau i’r safon uchaf yn gartref i’r trysorau cenedlaethol sy’n adrodd hanes diwydiant a blaengaredd Cymru.

Lleoliad llawn diwylliant yw hwn yn addas i ddigwyddiadau corfforaethol a phreifat, ac yn cynnig gofod hyblyg i grwpiau o 10 i 600 o bobl. Mae’n berffaith ar gyfer cynhadledd, gwledd a derbyniad, lansiad, arddangosfa, cyngerdd ac amrywiaeth o ddigwyddiadau cymdeithasol a diwylliannol. Mae Oriel y Warws a’r Balconi prydferth yn berffaith i gynnal seremoni briodas.

Yn ei lleoliad yn Ardal Forwrol Abertawe mae’r Amgueddfa dafliad carreg o ganol y ddinas.